Váldoválljehat
ovdâsijđo ovdasiidu õuddseidd
Dáidagat Ealáhusat Luondu Bearaš ja ávvudeapmi Buđaldeapmi ja spealut Sámi árrabajásgeassin
olggos


SÁMEGIELAT ÁRRABAJÁSGEASSIN ANÁR GIELDDAS

 

Anár gieldda árrašaddadeami doaibmajurddan lea fállat mánnái buorre ja dorvvolaš árrašaddadanbáikki, gos mánná loaktá ja mii doarju máná šaddama, ovdáneami ja oahppama. Árrašaddadeami dehálamos árvvut leat dorvvolašvuohta, rabasvuohta, positiivalašvuohta, nuppiid árvvus adnin, utnolašvuohta ja dásseárvu.

 

Árrabajásgeassima stivrejit riikkaviidosaš árrabajásgeassima vuođustusat (2016), dan vuođul leat ráhkaduvvon Anára gieldda árrabajásgeassinplána ja sápmelaš árrabajásgeassinplána. Dan lassin juohke árrabajásgeassinovttadat ráhkada iežas plánas juohke jagi.  

 

Beaivedikšu ordnejuvvo oassebeaivedikšun (eanemustá 5d/beaivi) dahje ollesbeaivedikšun (badjel 7d/beaivi). Anára gielddas ordnejuvvo maiddái ollesbeaivedikšu (5-7 d/beaivi) eanemustá 35 diimmu vahkus. Árgan doaibmi beaivejoavkkuid lassin lea vejolaš (suomagielat) vuorrodikšui vánhemiid bargovuoruid mielde. Vuorrodikšu ordnejuvvo Saariselkä beaiveruovttus, Avvila beaiveruovttu Karpalot-joavkkus ja Anára beaiveruovttu Tammukat-joavkkus.

Anára gieldda beaivedivššu vástoolmmožin lea árrabajásgeassima jođiheaddji.

 

Beaivedikšodoaimmahat leat virgedálus Avvilis (čujuhus Piiskuntie 2).

 

Gielddas leat guokte davvisámegielat beaivedikšojoavkku, guokte nuortalašgiela giellabeasi ja golbma anárašgiela giellabeasi, maid Anarâš kielâservi ry.

 

- Avvila beiveruovttu davvisámegielat joavku Násti, Avvil

- Anára beaiveruovttu davvisámegielat joavku Urbi, Anár

- Nuortalašgiela giellabeassi Pe´sser, Avvil

- Nuortalašgiela giellabeassi Kuuskõõzz, Čeavetjávri

-  Anárašgiela giellabeassi Kuáti, Avvil (oastinbálvalus)

- Anárašgiela giellabeassi Piervâl, Anár (oastinbálvalus)

- Anárašgiela giellabeassi Piäju, Anár (oastinbálvalus)

 

Árrašaddadanbáiki ohccojuvvo gieldda, guhte bearrá maiddái áššehasmávssuid.

 

http://www.inari.fi/fi/palvelut/sivistyspalvelut/varhaiskasvatus.html

Sámediggi | Saamelaiskäräjät, Sajos, FI–99870 INARI, tel +358-(0)10 839 3100, info(at)samediggi.fi
© Saamelaiskäräjät 2018