Váldoválljehat
ovdâsijđo ovdasiidu õuddseidd
Dáidagat Ealáhusat Luondu Bearaš ja ávvudeapmi Buđaldeapmi ja spealut Sámi árrabajásgeassin
olggos


Sámegielat beaivedikšu Sámi guovllu olggobealde

 

Sámi guovllu olggobealde sámegielat beaivedivššu fállet golmma gávpogis. Roavvenjárggas doaibmá davvisámegielat beaivedikšojoavku Galddazát ja golggotmánu 2015 álggahuvvon davvisámegielat giellabeassi Guovžabiedju. Oulus sámegielat beaivedivššu fállet Mäntylä-Snellman beaivedivššus, mas doaibmá davvisámegielat beaivedikšojoavku Rásit ja dan oktavuođas doaibmá maiddái davvisámegiela giellabeassi. Helssegis beaiveruoktu Troolaris lea davvisámegielat beaivedikšojoavku eatnigielat mánáide. Oarje-Pasilas doaibmá davvisámegiela giellabeassi Máttabiegga, man doallá City Sámit ry. Juohke ovttadaga doaimma stivrejit riikkaviidosaš árrabajásgeassinplána ja gávpogiid iežaset árrabajásgeassinplánat. Dasa lassin beaivedivššut geavahit sámi árrabajásgeassinplána.

 

Roavvenjárga

- Roavvenjárgga gávpoga beaivedivššu vuođđun leat mánáid ja bearrašiid buresbirgejupmi. Beaivedivššu árvun Roavvenjárggas leat kreativitehta, oassálastin, dorvvolašvuohta, ovttastallan ja máŋggahámátvuohta. Sámegielat beaivedivššu ulbmil lea veahkehit máná sámegiela ovdáneami ja doarjut máná bajásgeassima sámi árvvuide. (Gáldu: Roavvenjárgga gávpot: Árrabajásgeassinplána 2012)

 

http://www.rovaniemi.fi/fi/Palvelut/Lasten-paivahoito

 

Oulu

- Oulu árrabajásgeassima guovddášáššit leat bistevaš ovdáneapmi, kultuvrra, lihkadeapmi ja mánáid oassálastin. Dasa lassin árrabajásgeassin sisttisdoallá fitnodatbajásgeassima. Sámi árrabajásgeassima plánema vuođđun lea sámi árrabajásgeassinplána. Sámimánáid bajásgeassima plánema vuođđun lea sámi árrabajásgeassinplána. Sámimánáid bajásgeassima doaibmajurddan lea “Mun sápmelažžan Oulus”. Juohke sámemánnái ráhkaduvvo persovnnalaš árrabajásgeassinplána man gohčodit suomagillii ARPLA, mii sisttisdoallá ee. bearraša sámiduogážii gullevaš árvvuid ja kulturduogáža (Gáldu: Oulu árrabajásgeassinplána 2013-2015).

 

https://www.ouka.fi/oulu/paivahoito-ja-esiopetus

 

Helsset

- Helsset beaivedivššu ulbmil lea dorvvastit máná buorre šaddama, mii dárkkuha dorvvolaš šaddanbirrasa, dan ahte leat bajásgeassinguoibmin vánhemiidda. Ulbmil lea maiddái hukset fierpmádagaid ja ovttasbarggu ee. vuođđooahpahusain, mánáid suodjalusain ja rávvehagaiguin. (Gáldu: Helsset árrabajásgeassinplána 2013).

 

https://www.hel.fi/helsinki/fi/kasvatus-ja-koulutus/paivahoito/paivakotihoito/varhaiskasvatusalueet/

Sámediggi | Saamelaiskäräjät, Sajos, FI–99870 INARI, tel +358-(0)10 839 3100, info(at)samediggi.fi
© Saamelaiskäräjät 2018