Váldoválljehat
ovdâsijđo ovdasiidu õuddseidd
Dáidagat Ealáhusat Luondu Bearaš ja ávvudeapmi Buđaldeapmi ja spealut Sámi árrabajásgeassin
olggos


BEAIVERUOKTOBÁLVALUSAT OHCEJOGA GIELDDAS

 

Ohcejoga gielddas fállet mánáide beaiveruoktobálvalusaid beaiveruovttuin Ohcejoganjálmmis ja  Gáregasnjárggas ja bearasbeaiveruovttus Njuorggámis. Beaiveruoktobálvalusaid oažžu sihke sáme- ja suomagillii dan mielde, mii lea máná eatnigiella. Dasa lassin Ohcejogas leat guokte giellabeasi, okta Gáregasnjárggas ja nubbi Ohcejoga girkosiiddas.

 

Sámegielat beaivedikšoossodagat ja giellabeasit doibmet davvisámegillii. Sámegielat beaiveruoktobálvalusaid ja giellabeassedoaimmaid stivrejit Ohcejoga gieldda iežas árrabajásgeassinplána ja 2009 válmmaštuvvan sámi árrabajásgeassinplána.

 

Ovttasbargu Norggain

 

Ovttasbargu Deanu ja Ohcejoga gielddaid gaskkas lea lunddolaš ja dehálaš oassi sámegielat bálvalusaid fállámis.

 

Deanu gielda fállá soahpamuša mielde sámegielat beaivedivššu Njuorggáma mánáide Giellavealgu-beaiveruovttus, Deanu girkosiiddas. Ohcejoga gielda bealistis fállá gaskaboddosaš dikšobáikkiid Deanu gieldda sámegielat mánáide Ohcejoga beaiveruovttu sámegielat Duottaraski-ossodagas. Deahtta ovttasbargui riikkarájáid badjel fikkahit nu beaivedivššu go skuvllage bealde maiddái boahtte áiggis.

 

Jus vánhemat leat beroštuvvan fálaldagas, mii dáhpáhuvvá badjel riikka rájáid, de sii sáhttet leat njuolgga oktavuođas beaiveruktui ja oažžut doppe dieđu friija beaiveruoktobáikkiin. Dan maŋŋá vánhemat galget leat oktavuođas gildii, mii galgá ovttas nuppiin gielddain dohkkehit doaimma guđege dáhpáhusas sierra. 

 

Govva: Duottaraski. Beaiveruoktománát čierastallamin Sirpmá beaiveruovttu šilljus.

 

http://www.utsjoki.fi/fi/palvelut/varhaiskasvatuspalvelut/yhteystiedot.php

 

Sámediggi | Saamelaiskäräjät, Sajos, FI–99870 INARI, tel +358-(0)10 839 3100, info(at)samediggi.fi
© Saamelaiskäräjät 2018