Sämikielâliih arâšoddâdempalvâlusah Aanaar kieldâst

Aanaar lii maaŋgâkulttuurlâš kieldâ, mon sierânâsjiešvyehi lii maaŋgâpiälásâš já áinoošlajâsâš taveluándu. Luándu lii puoh aanaarlijd ovtâstittee tahhee, mii puátá oovdân meiddei Aanaar kieldâstrategiast já kieldâ tubdâldâhcelkkust: "Aanaar - Nahciis luándustis". Ohtsâš teedâčuogâstâhhân já ovdedemčuosâttâhhân Aanaar kieldâ arâšoddâdemist lii väljejum pirâs- já luándušoddâdem já kielâi riges maailm. Tai lasseen arâšoddâdem tooimâst tiädutteh lihâdem merhâšume já maaŋgâpiälásâs lihâdem (Aanaar kieldâ arâšoddâdemvuávám, 2017).

Arâšoddâdem uárnejeh uásipeivikiäččun (enâmustáá 5h/pv) tâi olespeivikiäččun (paijeel 7h/pv). Aanaar kieldâst uárnejeh lasseen meiddei olespeivikiäju (5-7-h/pv) enâmustáá 35 tijmed ohhoost. Arkâpeivij tuáimee peivijuávhui lasseen lii máhđulâšvuotâ suomâkielâlâš vuárákiäčun vanhimij pargovuárui mield. Vuárukiäju uárnejeh Suáluičielgi peivikiäjust, Avveel peivikiäju Karpalot-juávhust sehe Aanaar peivikiäju Tammukat-juávhust.

Aanaar kieldâ peivikiäju vástádâšpersovnin tuáimá peivikiäju hovdâ.

Arâšoddâdemtoimâttâh lii virgetáálust Avelist (ču. Piiskuntie 2).

Kieldâst tuáimá kyehti orjâlâškielâlâš peivipäikkijuávhu, kyehti nuorttâlâškielâ kielâpiervâl sehe kulmâ anarâškielâ kielâpiervâl, maid paijeentuálá Anarâskielâservi ry. Čohčuv 2017 álgá Anarist meiddei anarâškielâg enikielâg arâšoddâdem.

• Avveel peivipääihi orjâlâškielâlâš juávkku Násti, Avveel
• Aanaar peivipääihi orjâlâškielâlâš juávkku Urbi, Aanaar
• Nuorttâlâškielâ kielâpiervâl Pe´sser, Avveel
• Nuorttâlâškielâ kielâpiervâl Kuusskõõss, Čevetjávri
• Anarâskielâ kielâpiervâl Kuáti, Avveel (uástimpalvâlus)
• Anarâskielâ kielâpiervâl Piervâl, Aanaar (uástimpalvâlus)
• Anarâskielâ kielâpiervâl Piäju, Aanaar (uástimpalvâlus)

Arâšoddâdemsaje occoo kieldâst, mii meiddei piärá ässigâšmáávsuid.

http://www.inari.fi/fi/palvelut/sivistyspalvelut/varhaiskasvatus.html