Válduvaljiittâh
ovdâsijđo ovdasiidu õuddseidd
Taiđuuh Iäláttâsah Luándu Peerâ já juhleh Puđâldem já speelah Säämi arâšoddâdem
olgos


Peivitipšopalvâlusah Ucjuv kieldâ kuávlust

 

Ucjuv kieldâst fálloo párnáid peivitipšo peivikiäjuin Ucjuvnjäälmist já Kärigâsnjaargâst sehe peerâpeivipääihist Njuárgámist. Peivitipšopalvâlusâid finnee sehe sämi- ete suomâkielân párnáá eenikielâ mield. Lasseen Ucjuv kieldâ kuávlust tuáimih kyehti kielâpiervâl, ohtâ Kärigâsnjaargâst já nubbe Ucjuv markkânist.

 

Sämikielâliih peivitipšouásáduvah já kielâpiervâleh tuáimih tavesämikielân. Sämikielâlâš peivitipšo já kielâpiervâlij tooimâ stivree Ucjuv kieldâ jieijâs arâšoddâdemvuávám sehe 2009 valmâštum säämi arâšoddâdemvuávám.

 

Peivitiipšon já kielâpiervâláid occoo tipšosaje kieldâst. Kieldâ piärá vanhimijn táválijd peivitipšomáávsuid, moh miärášuveh vanhimij puáđui já peerâ stuáruduv mield.

 

Oovtâstpargo Taazâin

 

Oovtâstpargo Tiänu já Ucjuv kieldâi kooskân lii luándulâš já tergâdis uási sämikielâlij palvâlusâi falâmist.

 

Tiänu kieldâ fáálá sopâmuš mield sämikielâlâš peivitipšo Njuárgámist puáttee párnáid Giellavealgu-peivikiäjust, Tana Bru markkânist. Ucjuv kieldâ fáálá pelestis koskâpuddâsijd tipšosoojijd Tiänu kieldâ sämikielâláid párnáid Ucjuv peivikiäju sämikielâlâš  Duottaraski-uásáduvvâst. Teetis väldikode raajijd rastâldittee oovtâstpaargon nuuvt peivitipšo ko škoovlâ sektorijn lasettuvvojeh resursseh meid puátteevuođâst.

 

Raajijd rastâldittee falâlduvvâst perustum huolâtteijeeh pyehtih väldiđ njuolgist ohtâvuođâ peivikiäčun vâi finniiččih tiäđu máhđulijn rijjâ peivikiäččusoojijn. Taam maŋa huolâtteijeeh kalgeh väldiđ ohtâvuođâ kieldân, mon kalga oovtâst nube kieldâin tuhhiittiđ tooimâ jieškote-uv ääšist sierâ.

 

Peivikiäju párnááh čierâstmin Sirmá peivikiäju tyehišiljoost.

 

http://www.utsjoki.fi/fi/palvelut/varhaiskasvatuspalvelut/yhteystiedot.php

Sámediggi | Saamelaiskäräjät, Sajos, FI–99870 INARI, tel +358-(0)10 839 3100, info(at)samediggi.fi
© Saamelaiskäräjät 2018